સરકારે અરવલ્લી પર્વતમાળા અને ઇકોલોજી પર કોઈ ખતરો નહીં હોવાની સ્પષ્ટતા કરી છે.પર્યાવરણ, વન અને આબોહવા પરિવર્તન મંત્રાલયે એક અખબારી યાદીમાં જણાવ્યું કે ચાલુ વૃક્ષારોપણ, ઇકો-સેન્સિટિવ ઝોન સૂચનાઓ, ખાણકામ અને શહેરી પ્રવૃત્તિઓનું કડક નિરીક્ષણ ખાતરી કરે છે કે અરવલ્લી રાષ્ટ્ર માટે કુદરતી વારસો અને પર્યાવરણીય કવચ તરીકે સેવા આપતા રહેશે.કેન્દ્રીય પર્યાવરણ મંત્રી ભૂપેન્દ્ર યાદવે જણાવ્યું કે સુપ્રીમ કોર્ટના 100 મીટરના ચુકાદાનું ખોટું અર્થઘટન કરવામાં આવી રહ્યું છે. પત્રકારો સાથે વાત કરતા, શ્રી યાદવે નાગરિકોને અરવલ્લી પર્વતમાળા વિશે ગેરમાર્ગે દોરતી માહિતી ન ફેલાવવા વિનંતી કરી.તેમણે જણાવ્યું હતું કે અરવલ્લી પર્વતમાળાનો કુલ વિસ્તાર 1 લાખ 47,000 ચોરસ કિલોમીટર છે, અને ફક્ત 0.19 ટકા વિસ્તારમાં ખાણકામની મંજૂરી છે. શ્રી યાદવે જણાવ્યું હતું કે, સુપ્રીમ કોર્ટના ચુકાદા મુજબ, અરવલ્લી પર્વતમાળાનો 90 ટકા ભાગ સંરક્ષિત વિસ્તારો હેઠળ આવે છે, અને કોઈ છૂટ આપવામાં આવી નથી.સુપ્રીમ કોર્ટે વિગતવાર ટકાઉ ખાણકામ યોજના તૈયાર ન થાય ત્યાં સુધી નવી ખાણકામ લીઝ મુલતવી રાખવાનો આદેશ આપ્યો છે. મંત્રાલયે ભારપૂર્વક જણાવ્યું છે કે સંરક્ષણ અને જવાબદાર વિકાસ વચ્ચે સંતુલન જાળવી રાખીને, અરવલ્લીને આજની અને ભવિષ્યની પેઢીઓ માટે સુરક્ષિત રાખવામાં આવશે.