સમગ્ર દેશ આજે પોલીસ સ્મૃતિ દિવસ મનાવી રહ્યો છે. 1959માં આ દિવસે, લદ્દાખના હોટ સ્પ્રિંગ્સ ખાતે સશસ્ત્ર ચીની સૈનિકો દ્વારા કરાયેલા હુમલામાં દસ બહાદુર પોલીસકર્મીઓએ પોતાના જીવ ગુમાવ્યા હતા. ત્યારથી, 21 ઓક્ટોબરે દર વર્ષે પોલીસ સ્મૃતિ દિવસ તરીકે મનાવવામાં આવે છે.
આ પ્રસંગે, સંરક્ષણ મંત્રી રાજનાથ સિંહે જણાવ્યું હતું કે, દેશ 2047 સુધીમાં વિકસિત ભારતના લક્ષ્ય તરફ આગળ વધી રહ્યો હોવાથી, દેશની બાહ્ય અને આંતરિક સુરક્ષાનું સંતુલન પહેલા કરતાં વધુ મહત્વપૂર્ણ છે. તેમણે વધુમાં ઉમેર્યું હતું કે એક સમયે રેડ કોરિડોર તરીકે ઓળખાતા વિસ્તારો હવે વિકસિત કોરિડોરમાં પરિવર્તિત થઈ ગયા છે.