સોમવારથી શરૂ થઈ રહેલા સંસદના શિયાળુ સત્ર પહેલા સરકારે આવતીકાલે સર્વપક્ષીય બેઠક બોલાવી છે. આ બેઠકમાં સંસદીય બાબતોના મંત્રી કિરેન રિજિજુ સંસદના બંને ગૃહોના રાજકીય પક્ષોના નેતાઓને મળશે.આ બેઠક દરમિયાન, સરકાર સત્ર દરમિયાન લોકસભા અને રાજ્યસભાનું સુચારુ સંચાલન સુનિશ્ચિત કરવા માટે તમામ રાજકીય પક્ષોનો સહયોગ માંગશે. શિયાળુ સત્ર આવતી એકથી 19 ડિસેમ્બર સુધી યોજાશે. આ સત્ર દરમિયાન, ઘણા મહત્વપૂર્ણ કાયદાઓ પર ચર્ચા અને પસાર થવાની અપેક્ષા છે.