સંસદના બજેટ સત્રનો બીજો તબક્કાનો આવતીકાલથી પ્રારંભ થશે. ચોથી એપ્રિલ સુધી ચાલનાર આ સત્રમાં 20 બેઠકો યોજાશે. આ સત્રમાં અનુદાન અને વિનિયોગ બિલની માંગણીઓ પર ચર્ચા અને મતદાન કરવામાં આવશે. આ ઉપરાંત, બેંકિંગ કાયદા (સુધારા) બિલ, કોસ્ટલ શિપિંગ બિલ-2024, ત્રિભુવન સહકારી યુનિવર્સિટી બિલ, ઇમિગ્રેશન અને વિદેશીઓ બિલ-2025 અને રેલ્વે (સુધારા) બિલ સહિત વિધેયક પર ચર્ચા કરાશે. ઉલ્લેખનીય છે કે, બજેટ સત્રનું પહેલું સત્ર 31 જાન્યુઆરીથી 13 ફેબ્રુઆરી સુધી યોજાયું હતું. પ્રથમ તબક્કામાં લોકસભામાં 112 ટકા કામ થયું હતું.