સંરક્ષણ મંત્રી રાજનાથ સિંહે જણાવ્યું કે ઉચ્ચ શિક્ષિત વ્યક્તિઓ અને જાણીતા વ્યવસાયોમાં કામ કરતા લોકો, રાષ્ટ્ર વિરોધી અને સમાજ વિરોધી પ્રવૃત્તિઓમાં સામેલ છે તે ખૂબ જ ચિંતાનો વિષય છે. ઉદયપુરમાં એક કોલેજના સ્થાપના દિવસ સમારોહને સંબોધિત કરતાં શ્રી સિંહે જણાવ્યું કે શિક્ષણની સાથે ચારિત્ર્ય નિર્માણ અને નૈતિક વિચારસરણી મહત્વપૂર્ણ છે. તેમણે ઉમેર્યું કે જો કોઈ વ્યક્તિમાં માનવીય મૂલ્યો અને રાષ્ટ્ર પ્રત્યે પ્રતિબદ્ધતાનો અભાવ હોય તો માત્ર ઉચ્ચ શિક્ષણ પૂરતું નથી.