સંરક્ષણ મંત્રી રાજનાથ સિંઘે આગામી દોઢ વર્ષમાં ભારત વિશ્વનું ત્રીજું સૌથી મોટું અર્થતંત્ર બનવાનો વિશ્વાસ વ્યક્ત કર્યો. સરદાર@150 રાષ્ટ્રીય એકતા પદયાત્રા અંતર્ગત વડોદરાના સાધલી ખાતે યોજાયેલી સરદાર ગાથા કાર્યક્રમમાં સંબોધન કરતા શ્રી સિંઘે જણાવ્યું, સરદાર પટેલે ભારતને આઝાદ કરાવવામાં અને તેની એકતા-અખંડિતતા સુરક્ષિત રાખવામાં મુખ્ય ભૂમિકા ભજવી હતી.
સરદાર પટેલના ‘રાષ્ટ્રપ્રથમ’ના મુખ્ય મૂલ્ય પર પ્રકાશ પાડતા શ્રી સિંઘે કહ્યું, તેમના નેતૃત્વ હેઠળ જ ‘પૂર્ણ સ્વરાજ’ – સંપૂર્ણ સ્વરાજ્યની વિભાવના સૌપ્રથમ વ્યાખ્યાયિત કરવામાં આવી હતી. તેમણે ઉમેર્યું બ્રિટિશ સરકાર દ્વારા કર વધારવાના વિરોધમાં સરદાર પટેલના આંદોલન બાદ જ બારડોલીની મહિલાઓએ તેમને ‘સરદાર’નું બિરુદ આપ્યું હતું.
સરદાર પટેલેની 150મી જન્મજયંતીના ઉપલક્ષ્યમાં યોજાયેલા આ કાર્યક્રમાં પંજાબના રાજ્યપાલ ગુલાબચંદ કટારિયા, ઉત્તરાખંડના મુખ્યમંત્રી પુષ્કરસિંહ ધામી, કેન્દ્રીય મંત્રી મનસુખ માંડવિયા, રાજ્યના કૃષિ મંત્રી જીતુ વાઘાણીએ પણ પ્રાસંગિક પ્રવચન કર્યા હતા.