સંરક્ષણ મંત્રી રાજનાથ સિંહે દેશના દરિયાઈ સુરક્ષા માળખામાં કૃત્રિમ બુદ્ધિમતા-AI, ડ્રોન અને સ્વચાલિત પ્રતિભાવ માળખાને એકીકૃત કરવા પર ભાર મૂક્યો છે. આજે નવી દિલ્હીમાં 42મા ભારતીય તટરક્ષક કમાન્ડર્સ સંમેલનના ઉદ્ઘાટન સત્રને સંબોધતા શ્રી સિંહે કહ્યું કે ICG એ સાયબર અને ઇલેક્ટ્રોનિક યુદ્ધ જેવા જોખમો સામે રક્ષણ આપવા માટે તેની તાલીમ અને સાધનોને સતત અનુકૂલન કરવું જોઈએ. શ્રી સિંહે ભાર મૂક્યો કે પ્રતિભાવ સમયને સેકન્ડ સુધી ઘટાડવા અને દરેક સમયે તૈયારી સુનિશ્ચિત કરવા માટે ઓટોમેટેડ સર્વેલન્સ નેટવર્ક અને AI-સક્ષમ સિસ્ટમ્સ આવશ્યક છે.
મંત્રીએ દરિયાઈ સુરક્ષા જોખમોને ટાળવા અને આપત્તિ પરિસ્થિતિઓના સંચાલનમાં તટ રક્ષકની ભૂમિકાની પ્રશંસા કરી.