સંરક્ષણ મંત્રી રાજનાથ સિંહ અને ઉત્તર પ્રદેશના મુખ્યમંત્રી યોગી આદિત્યનાથે આજે નોઈડામાં એક ડ્રોન ઉત્પાદન કંપની અને એન્જિન પરીક્ષણ સુવિધા કેન્દ્રનું ઉદ્ઘાટન કર્યું. સભાને સંબોધતા, સંરક્ષણ મંત્રીએ કહ્યું કે ડ્રોન આજકાલ આધુનિક યુદ્ધ વ્યૂહરચનાનો એક મહત્વપૂર્ણ ભાગ છે. શ્રી સિંહે સંરક્ષણ ક્ષેત્રમાં આત્મનિર્ભર ભારતના ખ્યાલને મજબૂત બનાવવાની જરૂરિયાત પર ભાર મૂક્યો. તેમણે કહ્યું કે આ પહેલથી ક્ષેત્રમાં 5 હજારથી વધુ રોજગારની તકો ઉભી થવાની અપેક્ષા છે.
સંરક્ષણ મંત્રીએ વધુમાં કહ્યું કે ઓપરેશન સિંદૂર એ નિશ્ચય, હિંમત અને વિજ્ઞાનનું પરિણામ છે. તે માત્ર ભારતીય સૈનિકોની બહાદુરીનો પુરાવો નથી પણ આત્મનિર્ભર ભારતના વૈજ્ઞાનિક નવીનતાઓની સંભાવનાને પણ સાબિત કરે છે.
મુખ્યમંત્રી યોગી આદિત્યનાથે કહ્યું કે રાષ્ટ્ર ફક્ત શસ્ત્રો અને જ્ઞાનના સંકલનથી જ સશક્ત બને છે. તેમણે કહ્યું કે ઉત્તરપ્રદેશ સંરક્ષણ ઉત્પાદનમાં અગ્રણી ભૂમિકા ભજવી રહ્યું છે.