સંયુક્ત રાષ્ટ્ર ખાદ્ય અને કૃષિ સંગઠન- FAO એ 2024 માં વધુ ખરાબ થતી વૈશ્વિક ભૂખમરાની કટોકટી અંગે એક અહેવાલ બહાર પાડ્યો છે. અહેવાલમાં જણાવાયું છે કે 53 દેશોમાં 2 કરોડ 95 લાખ લોકો ગંભીર ખાદ્ય અસુરક્ષાનો સામનો કરી રહ્યા છે. આ આંકડો 2023 ના આંકડા કરતા 1 કરોડ 37 લાખ વધુ છે.

સુદાનમાં દુકાળ અને ગાઝા, દક્ષિણ સુદાન, હૈતી અને માલીમાં તીવ્ર ભૂખમરો તેમજ ઘણા વિસ્તારોમાં ચાલી રહેલા સંઘર્ષ આ સમસ્યાના મુખ્ય કારણો છે. અહેવાલમાં મે અને સપ્ટેમ્બર 2025 દરમિયાન ગાઝામાં દુષ્કાળના ભયની ચેતવણી પણ આપવામાં આવી છે. વિસ્થાપનની મજબૂરી, આર્થિક અસ્થિરતા અને હવામાનનાં કારણે આ કટોકટી વધુ વકરી છે. સંયુક્ત રાષ્ટ્ર ખાદ્ય અને કૃષિ સંગઠનના નિર્દેશક કૂ. ડોંગ્યુએ જણાવ્યું હતું કે ખાસ કરીને ગ્રામીણ વિસ્તારોમાં ગંભીર ખાદ્ય અસુરક્ષા લાંબા ગાળાની વાસ્તવિકતા બની રહી છે.