કૅનેડા સંયુક્ત રાષ્ટ્રમાં સપ્ટેમ્બર મહિનામાં પેલેસ્ટાઈન રાજ્યને માન્યતા આપવાની યોજના બનાવી રહ્યું છે. જી-સાત સમૂહના બે સભ્ય દેશ પહેલા જ આ જાહેરાત કરી ચૂક્યા છે. કેનેડાના પ્રધાનમંત્રી માર્ક કારનીએ કહ્યું, આ નિર્ણય કેટલાક મુખ્ય લોકશાહી સુધારાઓ પર નિર્ભર રહેશે. તેમણે કહ્યું, આ સુધારાઓમાં આવતા વર્ષે પેલેસ્ટિનિયન સત્તામંડળ દ્વારા ચૂંટણીઓ યોજવાનો સમાવેશ થાય છે અને આ ચૂંટણીઓમાં હમાસની કોઈ ભૂમિકા ન હોવી જોઈએ.
કૅનેડાના પ્રધાનમંત્રીનું આ નિવેદન એવા સમયે આવ્યું છે. જ્યારે માત્ર એક દિવસ પહેલા યુનાઈટેડ કિંગ્ડમે જાહેરાત કરી હતી કે, જો ઈઝરાયેલ યુદ્ધ વિરામને નથી માનતું અને અન્ય શરત પૂરી નથી કરતું તો આ સપ્ટેમ્બરમાં પેલેસ્ટાઈન રાજ્યને માન્યતા આપશે. ફ્રાન્સે પણ ગત સપ્તાહે આવી જાહેરાત કરી હતી.
અત્યાર સુધી સંયુક્ત રાષ્ટ્રના 193 સભ્ય દેશમાંથી 150 જેટલા દેશે પેલેસ્ટાઈનને રાજ્યની ઔપચારિક માન્યતા આપી છે.