શ્રીલંકામાં ચક્રવાત દિત્વાહને કારણે 69નાં મોત થયા છે, 34 વ્યક્તિ ગુમ થયા છે. ચક્રવાતને કારણે બે લાખ વધુ લોકો પ્રભાવિત થયા છે. પ્રધાનમંત્રી નરેન્દ્ર મોદીએ આ અંગે શોક વ્યક્ત કરી શ્રીલંકાને ટેકો આપવા ભારતની પ્રતિબદ્ધતાને પુનઃપુષ્ટિ કરી છે.વ્યાપક પૂર અને ભૂસ્ખલનને કારણે પરિવહન, વીજ પુરવઠો અને આવશ્યક સેવાઓમાં ગંભીર વિક્ષેપ પડ્યો છે. ભારતે ઓપરેશન સાગર બંધુ હેઠળ કટોકટી સહાયનો વિસ્તાર કર્યો છે. 80 ટન આરોગ્ય પુરવઠો વહન કરતું એક ખાસ વિમાન આજે વહેલી સવારે શ્રીલંકા પહોંચ્યું. વાવાઝોડું દિત્વાહ છેલ્લા છ કલાક દરમિયાન શ્રીલંકાના પશ્ચિમ વિસ્તારમાં લગભગ 40 કિલોમીટર દૂર ઉત્તર-પશ્ચિમ તરફ 7 કિલોમીટર પ્રતિ કલાકની ઝડપે આગળ વધી રહ્યું છે.આ વાવાઝોડું આવતીકાલ સવાર સુધીમાં શ્રીલંકાથી આગળ વધીને ઉત્તર તમિલનાડુ અને દક્ષિણ આંધ્ર કિનારા નજીક દક્ષિણ-પશ્ચિમ બંગાળની ખાડી સુધી પહોંચવાની સંભાવના છે. ચેન્નાઈ અને શ્રીલંકા વચ્ચેની ફ્લાઇટ્સનું સંચાલન પ્રભાવિત થયું છે.