ભારતીય શેરબજારમાં આજે તેજીવાળાઓનું જોર રહ્યું હતું. ભારત અને પાકિસ્તાન વચ્ચે યુદ્ધ વિરામ સમજૂતી અને અમેરિકા – ચીન વચ્ચે વેપાર સંધિની જાહેરાત સહિતનાં સકારાત્મક વૈશ્વિક સંકેતોને પગલે બંને ઇક્વિટી સૂચકાંકો 2025માં તેમના ઉચ્ચતમ બંધ સ્તર પર બંધ થયા હતા. 30 શેરોનો ઇન્ડેક્સ બીએસઇ સેન્સેક્સ 2 હજાર 975 પોઇન્ટ અથવા 3.74 ટકા વધીને 82 હજાર 430 પોઇન્ટ પર બંધ થયો હતો. નેશનલ સ્ટોક એક્સચેન્જનો નિફ્ટી-50 971 પોઇન્ટ એટલે કે 3.82 ટકા વધીને 24 હજાર 925 પોઇન્ટ પર બંધ થયો હતો.મિડ-કેપ ઇન્ડેક્સ 3.8 ટકા અને સ્મોલ-કેપ ઇન્ડેક્સ 4.1 ટકા વધ્યો હતો.