શિક્ષણ મંત્રાલયે યુવા લેખકોના માર્ગદર્શન માટે પ્રધાનમંત્રી યોજના PM-YUVA 3.0 હેઠળ યોજાયેલી સ્પર્ધાના પરિણામ જાહેર કર્યા છે. જેમાં 22 ભારતીય ભાષા અને અંગ્રેજીમાં એમ કુલ 43 પુસ્તક માટેની દરખાસ્ત પસંદ કરવામાં આવી છે.
શિક્ષણ મંત્રાલયે જણાવ્યું પસંદ કરાયેલી આ દરખાસ્તોને પ્રખ્યાત વિદ્વાનોના છ મહિનાના માર્ગદર્શન હેઠળ પુસ્તકોમાં વિકસાવવામાં આવશે. પસંદ કરેલા લેખકોને દર મહિને પચાસ હજાર રૂપિયાની શિષ્યવૃત્તિ અને તેમના પ્રકાશિત પુસ્તક પર 10 ટકા આજીવન રોયલ્ટી પણ મળશે.
PM-YUVA 3.0 હેઠળ પુસ્તકોની પ્રથમ આવૃત્તિ આવતા વર્ષે પ્રકાશિત કરાશે. જેનો ઉદ્દેશ્ય ભારત અને વિદેશમાં દેશના સાહિત્ય અને વિચારનું પ્રતિનિધિત્વ કરવા લેખકોની નવી પેઢીને તૈયાર કરવાનો છે.