વિધાનસભા ગૃહ ખાતે કચ્છ અને અમદાવાદ જિલ્લામાં વ્હાલી દીકરી યોજના અંગે પૂછાયેલા પ્રશ્નના ઉત્તરમાં મહિલા અને બાળ કલ્યાણ મંત્રી વતી જવાબ આપતા મંત્રી પ્રફુલ પાનસેરિયાએ જણાવ્યું હતું કે, આ યોજના અંતર્ગત રાજયની 2 લાખ 78 હજારથી વધુ દીકરીઓને લાભ અપાશે. કચ્છ જિલ્લામાં છેલ્લા એક વર્ષમાં 1 હજાર 120 અરજીઓ મંજુર કરાઇ છે.
આ ઉપરાંત અમદાવાદ જિલ્લામાં છેલ્લા બે વર્ષમાં આ યોજના હેઠળ 7 હજાર 434 લાભાર્થીઓને સહાય અપાઈ છે. શ્રી પાનસેરિયાએ ઉમેર્યું હતું કે, રાજ્યની પાત્રતા ધરાવતી દીકરીઓને રૂ. 1 લાખ 10 હજાર રૂપિયા ત્રણ હપ્તામાં DBT મારફતે ચૂકવાય છે. વ્હાલી દીકરી યોજના અંતર્ગત ૨ ઓગષ્ટ ૨૦૧૯ પછી પ્રથમ ત્રણ સંતાન પૈકીના તમામ દીકરીઓને આ યોજનાનો લાભ મળે છે.