વિવિધ મુદ્દાઓ પર વિપક્ષી દળોના હોબાળાને કારણે સંસદના બંને ગૃહો બપોરે 2:00 વાગ્યા સુધી સ્થગિત કરાયા છે. આજે સવારે 11:00 વાગ્યે રાજ્યસભા શરૂ થઈ ત્યારે ગૃહના ભૂતપૂર્વ સભ્ય લા ગણેશનને શ્રદ્ધાંજલિ આપવામાં આવી હતી, જેનું આ મહિનાની 15મી તારીખે 80 વર્ષની વયે અવસાન થયું. ઉપસભાપતિ હરિવંશે લા ગણેશનના અવસાન પર શોક વ્યક્ત કર્યો, જેમણે ઓક્ટોબર 2016 થી એપ્રિલ 2018 સુધી મધ્યપ્રદેશ રાજ્યનું પ્રતિનિધિત્વ કરતા આ ગૃહના સભ્ય તરીકે સેવા આપી હતી.
શ્રદ્ધાંજલી બાદ ઉપાધ્યક્ષ હરિવંશે કહ્યું કે, તેમને વિવિધ રાજકીય પક્ષો તરફથી ૧૯ મુલતવી નોટિસ મળી છે, જેમાંથી કેટલીક બિહારમાં મતદાર યાદીના વિશેષ સઘન સુધારાના મુદ્દાઓ સાથે સંબંધિત છે, જે ન્યાયાધીન છે. તેમણે નિયમોનો ઉલ્લેખ કરીને બધી નોટિસોને ફગાવી દીધી. ત્યારબાદ વિપક્ષી સભ્યોએ સૂત્રોચ્ચાર શરૂ કર્યા. શ્રી હરિવંશે શૂન્ય કાળ ચલાવવાનો પ્રયાસ કર્યો અને કહ્યું કે આ કામ સભ્યો માટે છે અને તેઓ જાહેર મહત્વના મુદ્દાઓ ઉઠાવી શકે છે. આ મુદ્દે હોબાળાના પગલે ઉપાધ્યક્ષે ગૃહને બપોરે 2:00 વાગ્યા સુધી મુલતવી રાખ્યું.બીજીતરફ લોકસભામાં પણ
આવા જ દ્રશ્યો સર્જાયા હતા. સૂત્રોચ્ચાર કરી રહેલા સાંસદોને અધ્યક્ષ ઓમ બિરલાએ ચેતવ્યા હતાં. તેમજ હોબાળાના પગલે ગૃહની કાર્યવાહી બે વાગ્યા સુધી મુલતવી રાખી હતી.