નાગરિક ઉડ્ડયન મહાનિદેશાલયે કહ્યું છે કે, વિમાન દુર્ઘટના તપાસ બ્યુરો -AAIB ઓડિશામાં વિમાન દુર્ઘટનાની તપાસ કરશે.
એક નિવેદનમાં DGCA એ જણાવ્યું કે, ગઈકાલે ઓડિશાના રાઉરકેલા નજીક ક્રેશ લેન્ડ થયેલું આ વિમાન બપોરે ભુવનેશ્વરથી રવાના થયું હતું અને ક્રૂએ રાઉરકેલા ATC માટે “મેય ડે” જાહેર કર્યું હતું. બપોરે 1 વાગીને 20 મિનિટે કાનસોર નજીકના ખુલ્લા વિસ્તારમાં વિમાનનું લેન્ડિંગ થયું હતું.
ઉલ્લેખનીય છે કે, વિમાનમાં ચાર મુસાફરો અને બે ક્રૂ સભ્યો સવાર હતા જે બધા સુરક્ષિત છે.