વિકાસના કામોની મંજૂરી આપવાની નગરપાલિકાઓની સત્તામર્યાદામાં 50 ટકાનો વધારો કરાયો છે.આ નિર્ણય અંતર્ગત શહેરી વિકાસ વિભાગની યોજનાઓ તેમજ રાજ્ય સરકારના આયોજન પ્રભાગ હસ્તકના અનુદાનમાંથી નગરપાલિકાઓ દ્વારા હાથ ધરવાના થતા કામોની તાંત્રિક અને વહીવટી મંજૂરી આપવાની સત્તા મર્યાદામાં 50 ટકાનો વધારો કરાયો છે.
આ નિર્ણય હેઠળ ‘અ’ વર્ગની નગરપાલિકામાં હવે નગરપાલિકા કક્ષાની સમિતિ દ્વારા જ 70 લાખ રૂપિયા સુધીના, જ્યારે ‘બ’ વર્ગમાં 50 લાખ, ‘ક’ વર્ગમાં 40 લાખ અને ‘ડ’ વર્ગમાં 30 લાખ રૂપિયા સુધીના કામોને તાંત્રિક-વહીવટી મંજૂરી આપી શકાશે.