રેલવે મંત્રી અશ્વિની વૈષ્ણવ આજે ગુજરાતના ભાવનગર અને અયોધ્યા કેન્ટ વચ્ચે સાપ્તાહિક ટ્રેનને લીલી ઝંડી આપશે. તેઓ રીવા અને પુણે તથા જબલપુર અને રાયપુર વચ્ચેની ટ્રેનોને વર્ચ્યુઅલી લીલી ઝંડી આપી પ્રસ્થાન કરાવશે.
ગુજરાતના મુખ્યમંત્રી ભૂપેન્દ્ર પટેલ, મધ્યપ્રદેશના મુખ્યમંત્રી મોહન યાદવ અને છત્તીસગઢના મુખ્યમંત્રી વિષ્ણુ દેવ સાઈ, કેન્દ્રીય મંત્રી મનસુખ માંડવિયા અને નીમુ બેન બાંભણિયા પણ આ કાર્યક્ર્મમાં જોડાશે.શ્રી વૈષ્ણવ ગુજરાતના એક દિવસના પ્રવાસે છે. તેઓ APPC કન્ટેનર યાર્ડની મુલાકાત લેશે અને ભાવનગરમાં વિકસિત ભારત સંવાદ હેઠળ જાહેર સભાને સંબોધિત કરશે.