રાષ્ટ્રીય તપાસ એજન્સી -NIA એ ગેરકાયદેસર હથિયારો અને દારૂગોળાની દાણચોરીના કેસમાં ચાર લોકોની ધરપકડ કરી છે. NIA ની બાવીસ ટીમોએ ત્રણ રાજ્યોમાં અનેક સ્થળોએ દરોડા પાડ્યા હતા, જેમાં બિહારના નાલંદા, શેખપુરા અને પટણા જિલ્લાના સાત સ્થળો, ઉત્તર પ્રદેશના ઔરૈયા જિલ્લામાં 13 સ્થળો અને હરિયાણાના કુરુક્ષેત્ર જિલ્લામાં બે સ્થળોનો સમાવેશ થાય છે.દરોડા દરમિયાન, ટીમોએ મોટા જથ્થામાં હથિયારો અને દારૂગોળો, 1 કરોડથી વધુની રોકડ, ગુનાહિત ડેટા ધરાવતા અસંખ્ય ડિજિટલ અને ઇલેક્ટ્રોનિક ઉપકરણો અને નકલી અને શંકાસ્પદ ઓળખ કાર્ડ સહિત ગુનાહિત દસ્તાવેજો જપ્ત કર્યા હતા.દરોડા બાદ, NIA ટીમે પટણાથી શશી પ્રકાશ, શેખપુરાથી રવિ રંજન સિંહ અને કુરુક્ષેત્રથી વિજય કાલરા અને કુશ કાલરાને ગેરકાયદેસર દારૂગોળાની દાણચોરી અને વેચાણમાં સામેલ એક મુખ્ય સિન્ડિકેટમાં સક્રિય સંડોવણી બદલ ધરપકડ કરી હતી. NIA એ જણાવ્યું હતું કે દારૂગોળો હરિયાણાથી ઉત્તર પ્રદેશમાં દાણચોરી કરવામાં આવી રહ્યો હતો અને પછી બિહાર અને દેશના અન્ય ભાગોમાં લઈ જવામાં આવી રહ્યો હતો.