રાષ્ટ્રપતિ દ્રૌપદી મુર્મુએ પાણીની ઉપલબ્ધતા અને સુરક્ષા સુનિશ્ચિત કરવા માટે સૌને સાથે મળીને કામ કરવા વિનંતી કરી, તેમણે ભાર મૂક્યો કે આજના સમયમાં આબોહવા પરિવર્તન જળ ચક્રને અસર કરી રહ્યું છે. નવી દિલ્હીમાં છઠ્ઠા રાષ્ટ્રીય જળ પુરસ્કારો 2024 અને પ્રથમ જળ સંચય જન ભાગીદારી પુરસ્કારો પ્રદાન કરતા રાષ્ટ્રપતિએ કહ્યું કે દેશ માટે પાણીનો કાર્યક્ષમ ઉપયોગ જરૂરી છે, કારણ કે વસ્તીને ધ્યાનમાં રાખીને તેના જળ સંસાધનો મર્યાદિત છે. તેમણે પુરસ્કાર વિજેતાઓને પાણી બચાવવા માટેના તેમના પ્રયાસો બદલ અભિનંદન આપ્યા.
આ કાર્યક્રમમાં જળ શક્તિ મંત્રી સી. આર. પાટીલ, જળ શક્તિ રાજ્ય મંત્રી વી. સોમન્ના અને રાજ ભૂષણ ચૌધરી પણ હાજર રહ્યા હતા. શ્રેષ્ઠ જિલ્લો, શ્રેષ્ઠ ગ્રામ પંચાયત, શ્રેષ્ઠ શહેરી સ્થાનિક સંસ્થા, શ્રેષ્ઠ સંસ્થા, શ્રેષ્ઠ શાળા અને શ્રેષ્ઠ વ્યક્તિ સહિત દસ શ્રેણીઓમાં 46 વિજેતાઓને પુરસ્કારો એનાયત કરવામાં આવ્યા હતા. 2024 માટે છઠ્ઠા રાષ્ટ્રીય જળ પુરસ્કારોમાં મહારાષ્ટ્રે શ્રેષ્ઠ રાજ્ય શ્રેણીમાં પ્રથમ સ્થાન મેળવ્યું હતું, જ્યારે ગુજરાત અને હરિયાણા અનુક્રમે બીજા અને ત્રીજા સ્થાને રહ્યા હતા.