રાષ્ટ્રપતિ દ્રૌપદી મુર્મુએ આજે લુઆન્ડામાં અંગોલાની સંસદને સંબોધી. સુશ્રી મુર્મુએ કહ્યું કે, અંગોલાની રાષ્ટ્રીય સભા અને તેના પ્રતિનિધિઓને સંબોધન કરવું ખૂબ જ ગર્વની વાત છે, તેમણે દેશની સ્વતંત્રતા સંગ્રામથી શાંતિ અને લોકશાહી સુધીની પ્રેરણાદાયી યાત્રાની પ્રશંસા કરી.
અંગોલાના રાષ્ટ્રપ્રમુખ જોઆઓ મેન્યુઅલ ગોન્કાલ્વેસ લોરેન્કોનો આમંત્રણ બદલ આભાર વ્યક્ત કરતા, સુશ્રી મુર્મુએ ભાર મૂક્યો કે 2025નું વર્ષ ખાસ મહત્વ ધરાવે છે કારણ કે તે ભારત અને અંગોલા વચ્ચે રાજદ્વારી સંબંધોની 40મી વર્ષગાંઠની સાથે સાથે અંગોલાની સ્વતંત્રતાની સુવર્ણ જયંતિ પણ ઉજવી રહ્યું છે. તેમણે કહ્યું કે, આ પ્રસંગો બંને રાષ્ટ્રો માટે પરસ્પર પ્રેરણાના સ્ત્રોત તરીકે સેવા આપે છે.