રાષ્ટ્રપતિ દ્રૌપદી મુર્મુ આજે લુઆન્ડામાં અંગોલાની સંસદને સંબોધિત કરશે.
રાષ્ટ્રપતિ અંગોલામાં ભારતીય સમુદાયના સભ્યો સાથે પણ વાતચીત કરશે. અંગોલામાં ભારતીય સમુદાયની સંખ્યા આશરે 8 હજાર લોકો છે. અંગોલામાં આશરે 200 ભારતીય કંપનીઓ કાર્યરત છે.
રાષ્ટ્રપતિ મુર્મુએ ગઈકાલે અંગોલાના રાષ્ટ્રપતિ જોઆઓ લોરેન્કો સાથે વ્યાપક ચર્ચા કરી હતી. ચર્ચા દરમિયાન, રાષ્ટ્રપતિએ જણાવ્યું હતું કે ભારત અંગોલા સાથે સંસદીય સહયોગ વધારવા માટે ઉત્સુક છે. તેમણે લોકશાહી સંસ્થાઓને પરસ્પર આદાનપ્રદાન દ્વારા એકબીજાના અનુભવોમાંથી શીખવાની જરૂરિયાત પર ભાર મૂક્યો હતો.
રાષ્ટ્રપતિ મુર્મુ 8 થી 13 નવેમ્બર સુધી અંગોલા અને બોત્સ્વાનાની મુલાકાતે છે. તેઓ તેમની મુલાકાતના બીજા તબક્કામાં આવતીકાલે બોત્સ્વાનાની યાત્રા કરશે.
આ બે આફ્રિકન દેશોની ભારતીય રાષ્ટ્રપતિની આ પહેલી મુલાકાત છે.