રાષ્ટ્રપતિ દ્રૌપદી મુર્મુ અને ઉપરાષ્ટ્રપતિ સી.પી. રાધાકૃષ્ણને તમામ દેશવાસીઓને છઠ્ઠ પૂજાની શુભેચ્છાઓ પાઠવી છે. સોશિયલ મીડિયા પોસ્ટમાં રાષ્ટ્રપતિ મુર્મુએ આશા વ્યક્ત કરી કે આ તહેવાર દરેકના જીવનમાં ખુશી અને સમૃદ્ધિ લાવે અને પર્યાવરણ સંરક્ષણની પ્રેરણા આપે.
ઉપરાષ્ટ્રપતિ સી.પી. રાધાકૃષ્ણને આ તહેવારને કુદરતી સંતુલન, સામાજિક એકતા અને આધ્યાત્મિક ઉર્જાનું પ્રતીક ગણાવતા છઠ્ઠી મૈયા દરેકના જીવનમાં ખુશી, સમૃદ્ધિ અને નવી ઉર્જાનો સંચાર કરે તેવી કામના કરી હતી.