રાષ્ટ્રપતિ દ્રૌપદી મુર્મૂએ આજે નવી દિલ્હીમાં સ્વચ્છતા ક્ષેત્રે ઉત્કૃષ્ટ પ્રદર્શન કરનારા રાજ્યો અને શહેરોને “સ્વચ્છ સર્વેક્ષણ પુરસ્કાર” એનાયત કર્યાં. સ્વચ્છ સર્વેક્ષણ 2024ની યાદી જાહેર થતાં સ્વચ્છ શહેરોની શ્રેણીમાં ગુજરાતનું અમદાવાદ સર્વોચ્ચ સ્થાને રહ્યું છે. જ્યારે સુરત શહેર સુપર સ્વચ્છ લીગમાં દેશભરમાં બીજા ક્રમે અને મધ્યપ્રદેશનું ઈન્દોર શહેર પહેલા ક્રમાંકે રહ્યું છે. રાષ્ટ્રપતિ મુર્મૂએ ગુજરાતના શહેરોના તમામ પુરસ્કાર રાજ્યના કેબિનેટ મંત્રી ઋષિકેશ પટેલ જે-તે શહેરના મેયર અને અધિકારીને સુપરત કર્યા.
આ પ્રસંગે સંબોધન કરતાં સુશ્રી મુર્મૂએ કહ્યું, સ્વચ્છતા એ દેશની સાંસ્કૃતિક ચેતનાનો પાયો છે. દરમિયાન તેમણે સ્વચ્છ ભારત અભિયાન હેઠળ રાજ્યો અને કેન્દ્રશાસિત પ્રદેશોના પ્રયાસોની પ્રશંસા કરતા સ્વચ્છ સર્વેક્ષણ એક સફળ પહેલ સાબિત થઈ હોવાનું જણાવ્યું.