રાષ્ટ્રપતિ દ્રૌપદી મુર્મુ વેટિકન સિટીમાં પોપ ફ્રાન્સિસના અંતિમ સંસ્કારમાં હાજરી આપવા માટે ઇટાલીની રાજધાની રોમ પહોંચી ગયા છે. તેઓની સાથે સંસદીય બાબતોના મંત્રી કિરેન રિજિજુ, લઘુમતી બાબતોના રાજ્યમંત્રી જ્યોર્જ કુરિયન અને ગોવા વિધાનસભાના નાયબ અધ્યક્ષ જોશુઆ ડિસોઝા પણ છે. વિદેશ મંત્રાલયે એક નિવેદનમાં જણાવ્યું હતું કે રાષ્ટ્રપતિ સેન્ટ પીટર્સ બેસિલિકામાં પુષ્પાંજલિ અર્પણ કરીને પોપ ફ્રાન્સિસને શ્રદ્ધાંજલિ આપશે. રાષ્ટ્રપતિ દ્રૌપદી મુર્મુ આવતીકાલે વિશ્વભરના મહાનુભાવો સાથે પોપ ફ્રાન્સિસના અંતિમ સંસ્કારમાં હાજરી આપશે.