રાજ્યમાં સમાન નાગરિક સંહિતા લાગુ કરવાની જરૂરિયાતને ચકાસવા રચાયેલી સમિતિની ગાંધીનગર ખાતે બેઠક યોજાઇ. નિવૃત ન્યાયાધીશ રંજના દેસાઈના અધ્યક્ષસ્થાને યોજાયેલી આ બેઠકમાં સમાન નાગરિક સંહિતા અંગે સૂચનો અને મંતવ્યો રજૂ કરવા ઓનલાઇન પોર્ટલ uccgujarat.in નો શુભારંભ કરાયો. સમિતિના અધ્યક્ષે રાજ્યના નાગરિકોને UCC અંગે સૂચનો મોકલવા અપીલ કરી હતી.
આ સમિતિએ રાજ્ય સરકારના વિવિધ આયોગ, ધાર્મિક સંસ્થાઓના પ્રતિનિધિ તથા રાજકીય પક્ષો સાથે ચર્ચા-વિમર્શ કરી સૂચનો અને મંતવ્યો મેળવ્યા હતાં. UCC અંગે સૂચનો આગામી 24 માર્ચ સુધીમાં સમિતિની કચેરી બ્લોક નં.૧, એ-વીંગ, છઠ્ઠો માળ, કર્મયોગી ભવન, સેકટર-૧૦-એ, ગાંધીનગર ખાતે ટપાલ મારફત પણ મોકલી શકાશે.