આજે 4 જાન્યુઆરી એટલે કે વિશ્વ બ્રેઇલ દિવસ છે. પ્રજ્ઞાચક્ષુ લોકો માટે માનવ અધિકારોની સંપૂર્ણ અનુભૂતિમાં સંદેશાવ્યવહારના સાધન તરીકે બ્રેઇલના મહત્વ વિશે જાગૃતિ લાવવા આ દિવસ ઉજવવામાં આવે છે.
આ દિવસ નિમિત્તે રાજ્યમાં વિવિધ સંસ્થાઓ દ્વારા પ્રજ્ઞાચક્ષુ ભાઈઓ-બહેનો માટે અનેક કાર્યક્રમો યોજાઇ રહ્યા છે. તે અંતર્ગત અમદાવાદ સ્થિત સદવિચાર પરિવાર તેમજ સ્વર્ગિય રંજનબેન ચેરિટેબલ ટ્રસ્ટ દ્વારા “સંવેદનાનો સ્વાદોત્સવ- 2026” નું આયોજન કરાયું છે, જેમાં 51 પ્રજ્ઞાચક્ષુ બહેનો દ્વારા વિવિધ વાનગીઓ તૈયાર કરી પ્રસ્તુત કરવામાં આવી છે.