રાજ્યમાં વરસાદનું જોર ઘટવાની વચ્ચે હવામાન ખાતાએ આજે સમગ્ર રાજ્યમાં છૂટાછવાયા સ્થળ પર હળવાથી મધ્યમ વરસાદની આગાહી કરી છે. જ્યારે 15 તારીખ પછી દક્ષિણ ગુજરાતમાં ભારે વરસાદ થવાની સંભાવના છે. દરમિયાન માછીમારોને 13 તારીખ સુધી દરિયો ન ખેડવા સૂચના અપાઈ છે.
બીજી તરફ, રાજ્યમાં અત્યાર સુધી મોસમનો કુલ સરેરાશ વરસાદ 108 ટકા સુધી પહોંચ્યો છે. તેમાં પણ સૌથી વધુ 136 ટકા જેટલો વરસાદ કચ્છમાં નોંધાયાના અહેવાલ છે. હાલ રાજ્યમાં 138 બંધ હાઈ અલર્ટ અને 19 બંધ અલર્ટ પર છે. જ્યારે 105 બંધ 100 ટકા ભરાયા છે. રાજ્યની જીવાદોરી સમાન સરદાર સરોવર નર્મદા યોજનામાં પણ જળસંગ્રહ 91 ટકા જેટલો થયો છે.