રાજ્યમાં મતદાર યાદીની વિશેષ સઘન સુધારણા – S.I.R. અંતર્ગત ચાલી રહેલા વિશેષ કેમ્પનો આજે છેલ્લો દિવસ છે. રાજ્યભરમાં નક્કી કરેલા સ્થળોએ બાકી રહેલા મતદારોને ગણતરી ફોર્મ ભરવા અને SIR અંગે માર્ગદર્શન પૂરું પાડવા આ વિશેષ કેમ્પનું આયોજન કરાયું છે. નાગરિકો આજે સવારે 10 થી સાંજે 5 વાગ્યા સુધી નિશ્ચિત કેન્દ્રો ખાતે 2002ની યાદીમાં પોતાનું નામ શોધી શકશે.આ ઉપરાંત ગણતરી ફોર્મ ભરી શકશે. અમદાવાદના કલેક્ટર સુજીત કુમારે આ વિશેષ કેમ્પનો લાભ લઇ લોકોને સત્વરે ગણતરી ફોર્મ જમા કરાવવા અપીલ કરી છે.