હવામાન વિભાગ દ્વારા આગામી 2 દિવસ રાજ્યમાં વરસાદની આગાહી કરવામાં આવી છે. જેમાં આગામી 48 કલાક દરમિયાન થન્ડરસ્ટ્રોમની આગાહી હવામાન વિભાગ દ્વારા કરવામાં આવી છે. રાજ્યમાં આગામી 48 કલાક ભારે વરસાદની આગાહી કરવામાં આવી છે. હવામાન વિભાગના વૈજ્ઞાનિક પ્રદીપ શર્માએ જણાવ્યું હતું કે, 30 થી 40 કિલોમીટર ની ઝડપે પવન ફૂંકાશે.આજે સવારે છ વાગે પૂરા થતાં ચોવીસ કલાકમાં રાજ્યમાં 66 તાલુકાઓમં વરસાદ વરસ્યો છે જેમાં દક્ષિણ ગુજરાતમાં ભારે વરસાદ વરસ્યો છે. ડાંગના આહવામાં સૌથી વધુ બે ઇંચ કરતાં વધુ જ્યારે ભાવનગરમાં પોણા બે ઇઁચ કરતાં વધુ વરસાદ ખાબક્યો હતો.