રાજ્યમાં ફરી વરસાદનું જોર વધતા ગત 24 કલાકમાં 22 જિલ્લાના 82 તાલુકામાં વરસાદ થયો છે. દરમિયાન સૌથી વધુ સાડા 11 ઇંચ વરસાદ ગીરસોમનાથના સૂત્રાપાડા તાલુકામાં નોંધાયો છે. જ્યારે પાટણ-વેરાવળ, કોડિનાર અને ગીરગઢડામાં પાંચથી છ ઇંચ જેટલો વરસાદ થયો છે. આ સાથે રાજ્યમાં અત્યાર સુધી મોસમનો કુલ સરેરાશ 70 ટકા જેટલો વરસાદ થઈ ગયો છે. તેમાંથી સૌથી વધુ 73 ટકા જેટલો વરસાદ દક્ષિણ ગુજરાતમાં થયાના અહેવાલ છે.
દરમિયાન આજે જુનાગઢ, અમરેલી, ગીર સોમનાથ, નવસારી, વલસાડ, દમણ, દાદરા અને નગરહવેલીમાં અત્યંત ભારે વરસાદની આગાહી છે. જ્યારે માછીમારોને 21 ઑગસ્ટ સુધી દરિયો ન ખેડવા સૂચના અપાઈ છે.