રાજ્યમાં પ્રધાનમંત્રી આવાસ યોજના હેઠળ અત્યાર સુધીમાં 15 લાખથી વધુ આવાસનું નિર્માણ પૂર્ણ થયું છે. પ્રધાનમંત્રી આવાસ યોજના ગ્રામીણ અંતર્ગત વર્ષ 2016-17થી વર્ષ 2024-25 સુધીમાં ભારત સરકાર દ્વારા આઠ લાખ 43 હજાર 168 આવાસનો લક્ષ્યાંક મળ્યો છે. તે પૈકી કુલ છ લાખ 932 આવાસનું બાંધકામ પૂર્ણ થયું છે.
રાજ્યમાં પ્રધાનમંત્રી આવાસ યોજના શહેરી હેઠળ કુલ સાત લાખ 64 હજાર આવાસના લક્ષ્યાંક સામે કુલ નવ લાખ 66 હજાર આવાસ મંજૂર કરાયા છે. આ મંજૂર આવાસ પૈકી નવ લાખ સાત હજાર જેટલા આવાસનું કામ પૂર્ણ થયું છે. કેન્દ્ર સરકાર દ્વારા વર્ષ 2019માં પ્રધાનમંત્રી આવાસ યોજના શહેરી હેઠળ ગુજરાતને વિવિધ શ્રેણીમાં કુલ છ અને વર્ષ 2022માં વિવિધ શ્રેણીમાં કુલ સાત પુરસ્કાર અપાયા છે.