રાજ્યમાં આવતીકાલથી શરૂ થનારી ધોરણ 10 અને 12ની બોર્ડની પરીક્ષા માટેની તૈયારીઓને જિલ્લા શિક્ષણાધિકારી દ્વારા આખરી ઓપ અપાયો છે.અમદાવાદ ગ્રામ્યનાં જિલ્લા શિક્ષણ અધિકારી કૃપા ઝાએ જણાવ્યું, આ વર્ષે દરેક કેન્દ્ર પરના CCTV કેમેરા પર નજર રાખવા પરીક્ષા દરમિયાન એક વ્યક્તિ સતત નિરીક્ષણ કરશે.
ઉલ્લેખનીય છે કે, અમદાવાદ શહેર અને ગ્રામ્ય વિસ્તારના એક લાખ 65 હજાર 986 વિદ્યાર્થીઓ બોર્ડની પરીક્ષા આપશે.ધોરણ 10માં શહેર વિસ્તારમાં 54 હજાર 616, જ્યારે ગ્રામ્ય વિસ્તારમાં 46 હજાર 20 વિદ્યાર્થીઓ પરીક્ષા આપશે. ઉપરાંત ધોરણ 12 સામાન્ય પ્રવાહમાં શહેરી વિસ્તારમાં 29 હજાર 726 અને ગ્રામ્ય વિસ્તારમાં 21 હજાર 840 વિદ્યાર્થીઓ પરીક્ષા આપશે.