રાજ્યમાં આગામી ત્રણ દિવસ બાદ મહત્તમ તાપમાનમાં બે-થી ત્રણ ડિગ્રી સેલ્સિયસ વધારો થવાની આગાહી છે. હવામાન વિભાગે જણાવ્યું કે, આ ત્રણ દિવસ દરમિયાન મહત્તમ તાપમાનમાં મોટો કોઈ ફેરફાર નહીં થાય. જ્યારે રાજ્યના કેટલાક ભાગ અને સૌરાષ્ટ્ર-કચ્છમાં આગામી સાત દિવસ મહત્તમ તાપમાન 40થી 44 ડિગ્રી સેલ્સિયસ સુધી રહી શકે છે.
ઉલ્લેખનીય છે કે, રાજ્યમાં ગત 24 કલાકમાં સૌથી વધુ 43 ડિગ્રી સેલ્સિયસ તાપમાન કચ્છના ભુજમાં નોંધાયું છે. જ્યારે અમદાવાદ, અમરેલી, રાજકોટ, સુરેન્દ્રનગર અને ગાંધીનગરમાં મહત્તમ તાપમાન 42 ડિગ્રી તો, કંડલા હવાઈમથક, અને ડીસામાં મહત્તમ તાપમાન 41 ડિગ્રી સેલ્સિયસ રહ્યું છે. આ સિવાયના જિલ્લાઓ અને શહેરોમાં તાપમાન 41 ડિગ્રી અને તેનાથી ઓછું નોંધાયું હતું.