રાજ્યમાં વરસાદનું જોર ઘટતા આજે 70 તાલુકામાં વરસાદ નોંધાયો છે. જેમાં સુરેન્દ્રનગર જિલ્લાના ધ્રાંગધ્રામાં બે ઇંચ વરસાદ નોંધાયો. જ્યારે ભાવનગરના પાલીતાણા અને ગીર સોમનાથ જિલ્લાના ઉનામાં દોઢ ઇંચ વરસાદ પડ્યો છે. ડાંગ જિલ્લાના આહવા, અમદાવાદ જિલ્લાના દેત્રોજ, મોરબીના હળવદ અને વલસાડ જિલ્લાના કપરાડામાં પોણા ઇંચ જેટલો વરસાદ નોંધાયો છે. આજે માત્ર ત્રણ તાલુકામાં એક ઇંચ કરતાં વધુ વરસાદ વરસ્યો છે. આ સાથે રાજ્યમાં અત્યાર સુધી મોસમનો 48 ટકાથી વધુ વરસાદ નોંધાઈ ચૂક્યો છે.
જળાશયોની સ્થિતિની વાત કરવામાં આવે તો, 40 જેટલા જળાશય હાઇએલર્ટ અને 21 જેટલા જળાશય એલર્ટ પર છે. રાજ્યમાં કુલ 44 જેટલા માર્ગ બંધ કરવામાં આવ્યા છે.