રાજ્યના 24 હજારથી વધુ હાથસાળ અને હસ્તકળાના કારીગરોએ ગત ત્રણ વર્ષમાં રાજ્ય સહિત દેશભરમાં 124 કરોડ રૂપિયાથી વધુની કિંમતની વસ્તુઓનું વેચાણ કર્યું છે. એટલું જ નહીં, અત્યાર સુધીમાં રાજ્યમાં કચ્છની ઍમ્બ્રોડરી, જામનગરની બાંધણી, પાટણના પટોળા, ઘરચોળું સહિત કુલ 28 ઉત્પાદનોને ભૌગોલિક ઓળખ- G.I. ટૅગ મળ્યા છે. ઉપરાંત વર્ષ 2023માં હાથસાળ અને હસ્તકળા ક્ષેત્રે ઉત્કૃષ્ટ કામગીરી બદલ 11 કારીગરને પુરસ્કારથી પણ સન્માનિત કરાયા છે.