રાજ્યમાં વરસાદનું જોર યથાવત્ છે. ત્યારે ગઈકાલે સવારે છ વાગ્યાથી આજે સવારે ચાર વાગ્યા સુધી રાજ્યના 196 તાલુકામાં વરસાદ થયાના અહેવાલ છે. સૌથી વધુ છ ઈંચ વરસાદ અરવલ્લીના ભિલોરા તાલુકામાં નોંધાયો. જ્યારે વલસાડના કપરાડા અને ધમરપુર, દેવભૂમિદ્વારકાના દ્વારકા અને કલ્યાણપુર, તાપીના ડોલવણમાં ચારથી પાંચ ઈંચ જેટલો વરસાદ નોંધાયો છે.દરમિયાન હવામાન વિભાગે આજે અમરેલી, ભાવનગર, નવસારી, વલસાડ, દમણ, દાદરા અને નગરહવેલીમાં છૂટાછવાયા સ્થળોએ અતિભારે વરસાદની આગાહી કરી છે. જ્યારે રાજકોટ, ગીરસોમનાથ, બોટાદ, આણંદ, ભરૂચ, સુરત, તાપી અને ડાંગમાં છૂટાછવાયા સ્થળ પર ભારે વરસાદ થઈ શકે છે તેમ હવામાન ખાતાના વૈજ્ઞાનિક રામાશ્રય યાદવે જણાવ્યું.અરવલ્લીના અમારા પ્રતિનિધિ અંકિત ચૌહાણ જણાવે છે કે, મોડાસાના બાજુમાં અચાનક પાણીની આવક થતા ત્રણ હજાર ક્યુસેક પાણી છોડવામાં આવ્યું. તેને લઈ મોડાસા શહેર સહિત તાલુકાના 16 ગામડાને ચેતવણી અપાઈ છે.