રાજ્યના 104 તાલુકામાં આજે વરસાદ નોંધાયો છે. જેમાં બનાસકાંઠાના દાંતામાં ત્રણ ઇંચથી વધુ વરસાદ પડ્યો છે. જ્યારે વલસાડ જિલ્લાના ધરમપુર અને ભાવનગરમાં દોઢ ઇંચ જેટલો વરસાદ નોંધાયો છે. પાટણના સિદ્ધપુર, વલસાડ જિલ્લાના કપરાડામાં સહિત સાત તાલુકામાં એક ઈંચથી વધુ વરસાદ વરસ્યો છે. બોટાદ જિલ્લાના બરવાળામાં પણ એક ઇંચ જેટલો વરસાદ નોંધાયો છે. રાજ્યમાં અત્યાર સુધીમાં મોસમનો 49 ટકાથી વધુ વરસાદ નોંધાઈ ચૂક્યો છે. જળાશયોની સ્થિતિની વાત કરવામાં આવે તો રાજ્યના 40 જળાશય હાઇએલર્ટ પર છે જ્યારે 23 જળાશય એલર્ટ પર છે.ભારે વરસાદને કારણે રાજ્યમાં 42 જેટલા માર્ગ બંધ કરવામાં આવ્યા છે.