‘સૂબેદાર રામજી સકપાલ યોજના’ હેઠળ રાજ્યના અનુસૂચિત જાતિના યુવાનોને 75 દિવસની તાલીમ આપીને અગ્નિવીર માટે તૈયાર કરાશે. સામાજિક ન્યાય અને અધિકારીતા વિભાગ દ્વારા આ વર્ષે 51 લાખ રૂપિયાની જોગવાઈ કરવામાં આવી છે.
આ યોજના હેઠળ રક્ષા શક્તિ યુનિવર્સિટી દ્વારા અનુસૂચિત જાતિના પસંદગી પામેલા 150 તાલીમાર્થીઓને 75 દિવસ માટે તાલીમ અપાશે. આ ઉપરાંત દર મહિને એક હજાર રૂપિયા લેખે બે હજાર 500 રૂપિયાનું સ્ટાઈપેન્ડ પણ આપવામાં આવશે. આ યોજના માટે સાડા સત્તર વર્ષથી 21 વર્ષ સુધીના ધોરણ-10 પાસ યુવાનોની પસંદગી કરાશે. આ માટે અરજીની સંપૂર્ણ પ્રક્રિયા ઓનલાઈન રાખવામાં આવી છે.