રાજ્યનાં ખેલાડી કાજલ વાજાએ રાષ્ટ્રીય શાળાસ્તરની સ્પર્ધામાં કાંસ્ય ચંદ્રક જીત્યો છે. ગુજરાત રમતગમત સત્તામંડળ દ્વારા જણાવ્યા મુજબ, હરિયાણાના ભિવાનીમાં યોજાયેલી 69-મી રાષ્ટ્રીય શાળાસ્તરની રમત સ્પર્ધામાં 19 વર્ષથી ઓછી વયની ઍથ્લેટિક્સ સ્પર્ધામાં તેમણે આ સિદ્ધિ મેળવી. કાજલ વાજાએ 100 મીટર દોડમાં 12 પૂર્ણાંક 191 સૅકન્ડના પ્રદર્શન સાથે કાંસ્ય ચંદ્રક જીત્યો છે. નડિયાદ રાજ્ય ખેલકૂદ અકાદમીનાં તાલિમાર્થી અને જિલ્લા સ્તરની રમતગમત સંકુલ – DLSS સોમનાથનાં ભૂતપૂર્વ તાલિમાર્થી કાજલ વાજાએ નડિયાદ સહિત સમગ્ર રાજ્યનું નામ રોશન કર્યું છે.