રાજસ્થાન પોલીસે 20 કરોડ રૂપિયાનો માદક દ્રવ્યનો જથ્થો પકડી પાડ્યો છે. શ્રી ગંગાનગરના પોલીસ અધિક્ષક (SP) અમૃતા દુહનેના જણાવ્યા અનુસાર, માદક દ્રવ્ય – હેરોઈનનો જથ્થો પાકિસ્તાનથી ડ્રોન દ્વારા મોકલવામાં આવ્યો હતો.વધુ વિગતો આપતા જણાવ્યું કે ગઈકાલે રાત્રે, રાવલ પોલીસ સ્ટેશનની પોલીસ ટીમ નિયમિત પેટ્રોલિંગ કરી રહી હતી ત્યારે તેમને નહેર કિનારે શંકાસ્પદ રીતે ત્રણ યુવાનો દેખાયા. પોલીસ વાહનને જોઈને, તેઓએ ભાગવાનો પ્રયાસ કર્યો, પરંતુ તેમને પકડી લેવામાં આવ્યા.શોધખોળ દરમિયાન, પોલીસને ત્રણ પેકેટમાં પેક કરાયેલ 4 કિલો 88 ગ્રામ હેરોઈન અને એક DJI ડ્રોન મળી આવ્યું. NDPS એક્ટ હેઠળ ત્રણેય આરોપીઓ સામે કેસ નોંધવામાં આવ્યો છે.