રાજસ્થાનના દૌસા જિલ્લામાં આજે એક અકસ્માતમાં દસ લોકોના મોત થયા છે અને 11 લોકો ઘાયલ થયા છે.આ દુર્ઘટના વહેલી સવારે દૌસા-મનોહરપુર ધોરીમાર્ગ પર બસડી ચૌરાહા નજીક એક પિકઅપ અને ટ્રક વચ્ચે ટક્કર થઈ હતી. મોટાભાગના મૃતકો ઉત્તર પ્રદેશના એટાહ જિલ્લાના રહેવાસી હતા અને સીકર જિલ્લામાં ખાટુ શ્યામજી મંદિરમાં પ્રાર્થના કરીને પાછા ફરી રહ્યા હતા. દૌસા વહીવટીતંત્રના જણાવ્યા અનુસાર, ગંભીર રીતે ઘાયલ આઠ લોકોને જયપુરની મેડિકલ કોલેજમાં ખસેડાયા છે, જ્યારે અન્ય ત્રણ લોકોને દૌસા હોસ્પિટલમાં સારવાર આપવામાં આવી રહી છે.