રશિયા અને યુક્રેન સંઘર્ષની શરૂઆત પછી યુદ્ધ કેદીઓની સૌથી મોટી અદલાબદલી માટે સંમત થયા છે.ગઇકાલે તુર્કીના ઇસ્તંબુલમાં રશિયા અને યુક્રેનના પ્રતિ-નિધિમંડળો વચ્ચે શાંતિ વાટાઘાટો દરમિયાન આ નિર્ણય લેવામાં આવ્યો. રશિયા અને યુક્રેન વચ્ચે ત્રણ વર્ષમાં આ પહેલી સીધી શાંતિ મંત્રણા છે. યુક્રેનિયન પ્રતિ-નિધિમંડળનું નેતૃત્વ સંરક્ષણ મંત્રી રુસ્તમ ઉમારોવે, જ્યારે રશિયાના પ્રતિ-નિધિમંડળનું નેતૃત્વ વ્લાદિમીર મેડિન્સકીએ કર્યું હતું. યુક્રેનના રાષ્ટ્રપ્રમુખ વોલોડીમીર ઝેલેન્સકી અને રશિયાના રાષ્ટ્રપ્રમુખ વ્લાદિમીર પુતિન વાટાઘાટોમાં હાજર રહ્યા ન હતા.બેઠક બાદ યુક્રેનિયન સંરક્ષણ પ્રધાન ઉમારોવે જણાવ્યું કે, બંને દેશો એક-એક હજાર યુદ્ધ કેદીઓની આપ-લે કરવા સંમત થયા છે. રશિયન પ્રતિ-નિધિમંડળના વડા મેડિન્સ્કીએ જણાવ્યું કે, રશિયા બેઠકના પરિણામોથી સંતુષ્ટ છે અને વાટાઘાટો ચાલુ રહેશે. તુર્કીના વિદેશ મંત્રી હકાન ફિદાને વાટાઘાટોનું સંચાલન કર્યું.