યુનિક આઇડેન્ટિફિકેશન ઓથોરિટી ઓફ ઇન્ડિયા-UIDAI એ આધાર આધારિત ગ્રાહક ચકાસણી માટે ખાનગી સેટેલાઇટ આધારિત ઇન્ટરનેટ સેવા પ્રદાતા સ્ટારલિંક સાથે સહયોગ કર્યો છે. એક નિવેદનમાં, ઇલેક્ટ્રોનિક્સ અને આઇટી મંત્રાલયે જણાવ્યું કે, વૈશ્વિક સેટેલાઇટ ઇન્ટરનેટ પ્રદાતા દ્વારા આધાર પ્રમાણીકરણનો ઉપયોગ ભારતના ડિજિટલ માળખાની સ્કેલેબિલિટી અને વિશ્વસનીયતા દર્શાવે છે. તેમણે ઉમેર્યું હતું કે આ સહયોગ એ વાત પર ભાર મૂકે છે કે આધાર કેવી રીતે પારદર્શિતા અને જવાબદારી સુનિશ્ચિત કરતી વખતે સેવા વિતરણમાં નવીનતાને સક્ષમ કરી શકે છે.આધારને જીવનની સરળતા અને વ્યવસાય કરવાની સરળતાના ઉત્પ્રેરક તરીકે ઉલ્લેખ કરતા, મંત્રાલયે જણાવ્યું હતું કે આધાર નંબર ધારકો માટે ઉપયોગમાં સરળતા અને સુવિધાને કારણે તેનો ફેસ પ્રમાણીકરણ ઉકેલ હવે ઝડપથી ગતિ પકડી રહ્યો છે.