મુખ્યમંત્રી ભૂપેન્દ્ર પટેલે આજે અમદાવાદના રિવરફ્રન્ટ પર “ભારત એક ગાથા” વિષયવસ્તુ હેઠળ 14-મા આંતર-રાષ્ટ્રીય ફ્લાવર શૉનો પ્રારંભ કરાવ્યો.આજે એકસાથે બે નવા ગિનિસ બૂક ઑફ વર્લ્ડ રૅકોર્ડ સ્થાપિત કરીને ફ્લાવર શૉએ સતત ત્રીજા વર્ષે વિશ્વ વિક્રમ બનાવ્યો છે. ફ્લાવર મંડલા અને લોખંડી પુરુષ સરદાર વલ્લભભાઈ પટેલના વિશ્વના સૌથી મોટા ફ્લાવર પૉટ્રેટ એટલે કે ચિત્ર-એ અમદાવાદને વૈશ્વિક ગૌરવ અપાવ્યું છે.આગામી 22 જાન્યુઆરી સુધી યોજાનારા ફ્લાવર શૉના પહેલા જ દિવસે મોટી સંખ્યામાં લોકો મુલાકાતે આવ્યા હતા. છત્તીસગઢથી આવેલાં એક મુલાકાતીનો પ્રતિભાવ સાંભળીએ.