મુખ્યમંત્રી ભૂપેન્દ્ર પટેલે ધરમપુર ખાતે યોજાયેલી ત્રણ-દિવસીય ૧૨મી ચિંતન શિબિરના સમાપન પ્રસંગે કહ્યું હતું કે, આપણે સામૂહિક ચિંતનથી સામૂહિક વિકાસ તરફ આગળ વધવાનું છે.
શ્રી પટેલે મંત્રીઓ અને સનદી અધિકારીઓને થિંક વેલ, ડુ વેલનો કાર્યમંત્ર આપ્યો હતો. અધિકારીઓને દર મહિને ફિંલ્ડ વિઝીટ કરવા મુખ્યમંત્રીએ સૂચના આપી હતી. તેમજ દરેક અધિકારી ઉત્તરદાયિત્વની ભાવના કેળવે તેવું પણ જણાવ્યુ હતું. તેમણે કહ્યું હતું કે, ચિંતન શિબિરનું ચિંતન- મનન, પ્રજાલક્ષી કામગીરીમાં પ્રતિબિંબિત થવું જોઈએ તેમજ ગુજરાતમાંથી કુપોષણની નાબૂદીને ધ્યેય બનાવવા અપીલ કરી હતી.
શ્રી પટેલે વધુમાં જણાવ્યું હતું કે, રાજ્યમાં દરેક લોકોને શિક્ષણ અને પોષણ અપાવાની રાજ્ય સરકારની પ્રાથમિકતા છે.