મુખ્યમંત્રી ભૂપેન્દ્ર પટેલ આજે બપોરે નવસારીમાં નવનિર્મિત બસ ટર્મિનલનું લોકાર્પણ કરશે. PPP એટલે કે, જાહેર ખાનગી ભાગીદારીથી 29 હજાર 510 ચોરસ મીટર વિસ્તારમાં આ પ્રતિકાત્મક બસપૉર્ટનું નિર્માણ કરાયું છે. 82 કરોડ રૂપિયાથી વધુના ખર્ચે તૈયાર થયેલું આ બસપૉર્ટ અદ્યતન સુવિધાઓથી સજ્જ છે. ઉપરાંત શ્રી પટેલ જિલ્લાના મુખ્યમથક ખાતે 475 કરોડ રૂપિયાથી વધુના વિકાસકાર્યોનું ખાતમુહૂર્ત, લોકાર્પણ કરશે. તેમજ વિવિધ યોજનાના લાભાર્થીઓને લાભોનું વિતરણ કરશે.