માહિતી અને પ્રસારણ મંત્રી અશ્વિની વૈષ્ણવે જણાવ્યું છે કે ભારત ટૂંક સમયમાં વિશ્વમાં અગ્રણી સેમિકન્ડક્ટર ઉત્પાદક બનશે.
તેમણે કહ્યું કે મોહાલીમાં સેમિકન્ડક્ટર તાલીમ પ્રયોગશાળા આ ક્ષેત્રમાં મુખ્ય ભૂમિકા ભજવશે. શ્રી વૈષ્ણવે ગઈકાલે મોહાલી પ્રયોગશાળામાં સેમિકન્ડક્ટર પ્રોસેસ ગેલેરી અને પારંગત સેમિકન્ડક્ટર તાલીમ પ્રયોગશાળાનું ઉદ્ઘાટન કર્યું.
આ પ્રસંગે તેમણે જણાવ્યું કે પ્રધાનમંત્રી નરેન્દ્ર મોદીના ભારત સેમિકન્ડક્ટર મિશનના વિઝન હેઠળ, પંજાબમાં 4 હજાર 500 કરોડ રૂપિયાના રોકાણ સાથે સુવિધાને અપગ્રેડ કરવામાં આવશે.
શ્રી વૈષ્ણવે પંજાબ સરકારને સંસ્થાના વિકાસ માટે 25 એકર જમીન પૂરી પાડવા વિનંતી કરી હતી.