પ્રધાનમંત્રી નરેન્દ્ર મોદી તેમની બે દેશોની યાત્રાના બીજા તબક્કામાં માલદીવ્સ પહોંચ્યા છે. માલદીવના રાષ્ટ્રપતિ ડૉ. મોહમ્મદ મુઇઝુએ વેલાના આંતરરાષ્ટ્રીય હવાઇમથક પર પ્રધાનમંત્રીનું વિશેષ સ્વાગત કર્યું હતું. પ્રધાનમંત્રીની માલદીવ્સની આ ત્રીજી મુલાકાત છે અને ડૉ. મોહમ્મદ મુઇઝુની અધ્યક્ષતા દરમિયાન કોઈ રાષ્ટ્રપ્રમુખની માલદીવ્સની આ પ્રથમ મુલાકાત છે. આજે પ્રધાનમંત્રી રાષ્ટ્રપતિ મુઇઝુ સાથે પરસ્પર હિતના મુદ્દાઓ પર ચર્ચા કરશે.