રાજ્ય સરકારના પ્રવક્તા મંત્રી ઋષિકેશ પટેલે કહ્યું, માર્ગ અને મકાન વિભાગ દ્વારા વડોદરા બ્રિજ દુર્ઘટનાની ઉચ્ચ સ્તરની તપાસ કરવામાં આવી છે. આ તપાસ સમિતિના પ્રાથમિક અહેવાલ મુજબ, થાંભલાના સાંધા તૂટી જવાના કારણે બ્રિજ તૂટી પડ્યો હોવાનું જણાયું છે. વડોદરા જિલ્લાના પાદરા તાલુકાના મુજપુર ખાતે આજે ગંભીરા બ્રિજ દુર્ઘટનાસ્થળની મુલાકાત દરમિયાન શ્રી પટેલે આ વાત કહી.

પ્રવક્તા મંત્રીએ કહ્યું, માર્ગ અને મકાન વિભાગની આ સમિતિ દ્વારા 30 દિવસમાં વિસ્તૃત અહેવાલ અપાશે.. તેના ટેક્નિકલ અને વહીવટી કારણ સાથેનો તપાસ અહેવાલ મુખ્યમંત્રીને સોંપાયા બાદ અન્ય નિર્ણય લેવાશે.